惡

有小孩發現自己忘記帶筆袋回校後，在課室對著好同學嘆氣：「唉，我媽咪實鬧我。。。」

好同學不知來龍去脈，問：「點解？」

小孩答：「因為我唔記得帶筆袋。」

好同學不明白：「唔記得帶筆袋就鬧？你媽咪好惡架咩？」

小孩（涉嫌錯誤引導）：「係吖，我媽咪好惡架！你個日運動會見到佢，你唔覺得佢好惡架咩？」

（被錯誤引導的）好同學：「係喎！我個日見到佢都覺得佢幾惡架喎！」

但事實是，那天運動會，我的樣子真是親和到極點，半點惡形惡相都沒有。小孩這次企圖借助外國勢力干預本土政策，是會被秋後算賬的，立此為記。